أدمنت هواك مجبراً - الـــبــــ(✍🏻) ـــــارت [ 2️⃣ - مكتملة | روايتك

‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ · · ───── ·ʚଓ· ───── · وصلنا عالمشفى وكان ابي هنيك بابا: الله لا يوفقك شو جابك لهون لك ايمتى طلعتي انتي روحي من هون مو ناقصا ستك جاية تكملي عليها ما رديت عليه وكملت لعند ستي هبة: تيتة تقبري قلبي يا ستي سامحيني تيتة عم تسمعيني انا هبة طلعت الحمد لله وليكني جنبك حركت اصبعتا طبعا تيتة كانت فايتة بغيبوبة بس بتسمعنا وبتحرك اصبعتا او بتشد على ايد الشخص اللي مسكلا ياها الممرضة: انتي هبة هبة :اي انا ليش ستك قبل ما تفوت بغيبوبة كانت تصحى وتنام وطلبت مني اكتبلك رسالة عطتني ياها الممرضة هبة: ما فيني ضل معها الممرضة: مبلا فيك لازم تعملي ورقة مرافق بالاول اي بعملا كيف روحي عللاستقبال وهنة بيقلولك عملت الورقة طبعا غصب عن ابي لان ما كان رضيان وعم يتهمني ان انا السبب بحالة ستي ضليت عندها وعطيت المفتاح لبيسان وطلبت منها تجبلي كم غرض بيت مراد .. مراد: شو ست الكل ارتاح ضميرك هلأ ام مراد: اي واخيرا الله يرضى عليك مراد: يلا انا طالع ارتاح شوي عندي شغل متراكم كتير بالشركة ام مراد: الله يوفقك حبيبي انت قدها استنت لطلع مراد ماهر ماهر.. ماهر: نعم ماما انت بتعرف بيتا لهبة ماهر: امي شو بدك بهالشغلة بقا هي طالعها من السجن متل ما طلبتي بلا ما يعرف ويعمل قصة ام مراد: مالح يعرف اذا حضرتك ما تفزلكت وحكيت بتعرفه ولا لأ ماهر: لا ما بعرفه ولو بعرفه مالح قلك عليه مشان تعرفي تقولي عني مفزلك وها نانانانا 😜😜 ام مراد: الله يصبرني بس قال بعد اسبوع عرسه قال 😏 المسا اجى ماهر:اتصلت بالمحامي واخدت عنوان البيت تفضلي بس قال احتمال ما تلاقيها لان ستها فاتت عالمشفى وعم تضل عندها ام مراد: يييي يا قلبي عليها طيب باني مشفى ماهر: امي مو كانك شاغلة بالك فيهن كتير ام مراد: ما دخلك بلشت بقصة بدي كملها ماهر: لوين بدك توصلي اوعي تكوني عم تفكري تجوزيها لمراد ام مراد: اي عم فكر واحتمال يكون عرسكن سوا كل عمري هيك بتمنى مو انتو توأم وكان أملي تتجوزو بنفس اليووم ماهر: لاااا امي بترجاكي لا تنزعيلي فرحتي مراد مو موافق على كل الفكرة بلا ما يعمللنا قصة ويخرب عليي العرس ام مراد: تطمن مالح يصير الا كل خير ان شاء الله عند هبة .. المسا انا متسطحة عالكنباية اللي بالغرفة مع ستي فتحت الرسالة وبلشت اقرأ بنتي الغالية هبة: بتمنى توصلك رسالتي وانتي باحسن حال ما بعرف طلعتي من السجن او بعدك انقهرت كتير ع غيابك وعملت المستحيل لاقدر طالعك وفي سر خبيته عنك انا رحت لبيت مراد وترجيتهن يتنازلو عن حقهن بس هنة رفضو وقلعوني ..نزلو دموعي كتييير لاني حطيت ستي بهيك موقف الوحيدة اللي حسيتا متعاطفة معي هية ام مراد ووعدتني يصير خير من بعدها داق نفسي واسعفوني عالمشفى بدي اطلب منك طلب وبتمنى انك توافقي انا بجوز اصحى وبجوز لأ وانا بدي مصلحتك اذا خطبك مراد لا ترفضي بترجاكي صرت ابكي واشهق وكملت قراءة وافقي عليه وتجوزو لان ما بقيلك حدا غيره ابوكي تبرى منك وتخلى عنك وخالتك سعاد ما لح تريحك اذا رجعتي لعندها عالبيت لهيك وصيتي الك توافقي تحت اي ظرف من الظروف وشو ما صار معك الله يرضى عليك ويوفقك بحياتك وتذكري اني بحبك كتيير وانك اغلى شي عندي ستك اللي بتحبك ام فواز.. وين كنا ووين صرنا ستي اللي مالي غيرها بين الحياة والموت وابي تخلى عني يا رب ساعدها يا رب توقف معها ولا تحرمني منها قمت لعندها ومسكتلا ايدها وصرت احكي معها تيتة بعرف انك عم تسمعيني بترجاكي تقومي انا مالي غيرك انا ما بدي اتجوز مراد ولا غيره بس بدي ترجعيلي بالسلامة وكمل عمري بخدامتك شدت على اصبعتي ونزلت دمعة من عينها اندق الباب وفاتت الممرضة الممرضة :بعد اذنك بدي قسلها السكر هبة: تفضلي الممرضة: طولي بالك ما بصير تبكي لان ستك بتحس عليك وبتسمعك وما بيسوالا الزعل قاستلا السكر وكان مرتفع دقت للدكتور يجي فورا اجى فحصها وعطاها ابرة انسولين الدكتور: ممكن نحكي شوي برا هبة: تفضل دكتور الدكتور: انتي بنتها هبة: لا حفيدتها الدكتور: اديه عمرك هبة: سنة تانية جامعة خير دكتور قلي الدكتور: بصراحة وضع ستك ما بطمن عم يصير عندها مضاعفات مو لصالحا بدي تكونو جاهزين لكل شي هبة: لا دكتور بترجاك اعمل اي شي الا ستي انا مالي غيرها ومالي حدا الدكتور : طولي بالك نحنا عم نعمل اللي علينا بس كل شي بايد الله ادعيلا راح وتركني بدوامة فرطت من البكا وما رضيت فوت لعند ستي عرفت من كلام الدكتور ان ستي اخر ايامها وعم تودع بس ضليت متأملة خير تاني يوم الصبح.. ام مراد : الو مرحبا استاذ انا امه لمراد بدي عنوان المشفى اللي فيها ستها لهبة عطاها المحامي العنوان واجت زارتنا بالمشفى دق دق انفتح الباب وفاتت منه مرة مبين عليها الاكابرية طويلة ونحيفة وشعرها خرنوبي ام مراد: مرحبا حبيبتي انتي هبة صفنت فيها وحسيت اني تذكرتا هبة: اهلين خالة اي انا هبة ركضت وضمتني بقوة وكانها بتعرفني من زمان ام مراد: الحمد لله على سلامتها ومعافاية انا امه لمراد هبة: 😲😲 ما علقت ابدا ما عرفت شو قول ام مرد : انا زعلت كتير لوضع ستك واجيت شوف اذا محتاجين شي هبة وهية بعدها متفاجئة يسلمو ايديك خالة ما قصرتي كلك ذوق ام مراد: هي رقمي ان احتجتي شي خبريني هبة: شكرا الك ويسلمو عالوردات عذبتي حالك ام مراد: لا حبيبتي هدا واجب يلا عن اذنك ما لح طول هبة: الله معك وصلتا للباب واذ بجية بيسان بيسان: مرحبا هبوشتي هبة: اهلين بيسو فوتي بيسان: مين هي اللي طلعت من عنكن هبة: لو تعرفي مين بيسان🤔 هبة: هي امه لمراد اجت تتطمن عن ستي وتشوف اذا محتاجة شي بيسان: الله الله في تطورات بالموضوع ليكون حاببتك هالمخلوقة هبة: لا من وين لوين خربتلهن حياتهن كيف بدها تحبني بس بجوز متعاطفة معي واجت تواسيني بيسان: ما بعرف بجوز .. كيفها ستك اليوم هبة: مبارح قاسولها السكر وطلع مرتفع وقال عم يصير معها مضاعفات ونكون جاهزين لكل شي بيسان: طولي بالك لا تبكي والله حرقتيلي قلبي قضينا شوية وقت وراحت بيسان بنص الليل سهرانة وعم فكر برسالة ستي وجية امه لمراد وكيف تنازلو عن حقهن وطالعوني وعم حاول اربط الاحداث حسيت على ستي عم تتنفس بسرعة قمت لعندها فورا لقيت جسمها بارد وعيونها جاحظين طلعت من الغرفة عم اصرخ وابكي يا دكتور يا ممرضة دكتووور مشان الله لحقوني ستي ستي ما بعرف شو صرلا ركضو الدكاترة والممرضات 7 او 8 او يمكن 10 ما بعرف وما خلوني فوت وقف قلبها وعملولا صدمات كهربا بس ما في نتيجة راحت تيتة راحت الغالية راحت سندي وقوتي طلع الدكتور: العمر الك يا بنتي هبة:لااااااااا بترجاك تشوفها رجعولي ستي مشان الله رجعلي ستي حاول خليك عم تحاول الدكتور: طولي بالك يا بنتي ما بصير هيك ستك خلص توفت عملنا كل اللي قدرنا عليه شدي حيلك ركضت عالغرفة وشفتهن مغطينلا عن وشها ضميتا وصرت اصرخ وابكي لييييش رحتي يا ستي ليش تركتيني انا مالي غيرك يا ستي قووومي بترجاكي تقومي يا ربي يا رب تاخدني لعندها وفجأة غبت عن الوعي اخدوني حطولي ابرة مهدئ ونمت عليها قديه ما بعرف فقت لقيت حالي بغرفة وفي سيروم بايدي طلعت حواليي ما لقيت ستي قمت بسرعة وقمت السيروم وركضت ستييييي يا ستييييي... وينننك مسكت الممرض وين رحتو بستي وين رحتو فيهااا الممرض: يا انسة طولي بالك ما بصير هيك اخدو ستك عالبراد لازم تعملو وراق الدفن دقو لابي واجى واجو عمامي وكله عم يلومني ويحط الحق عليي دفنا ستي وفتحنا العزا ببيتها مضي اول يوم وانا ما وقفت معهن بالعزا ضامة جلابية ستي وقاعدة عالتخت وبيسان واهلها جنبي عم يواسوني نامت عمتي بالبيت وخالتي مرت ابي وانا ما حدا سأل عليي اصلا ما حدا طايقني تاني يوم العزا.. مراد: ماما وين رايحة ام مراد: عندي شغلة مهمة مراد: شو هالشغل كل يوم عم تطلعي من البيت الك 4 ايام ما قعدتي شو مشغولة ام مراد: اااه ... لااا بس انا .. اي انا عم روح عالسوق قرب عرس اخوك وعم شوف شو ناقصنا غراض يلا عن اذنك تاخرت مراد شك بالموضوع وطلع لعند ماهر دفش الباب مراد: امك شو عم تخطط ماهر: سكري حبيبتي بعدين بحكي معك هيك العالم بتفوت لا احم ولا دستور شو بك شو صايرلك مراد: جاوبني امك صرلا 4 ايام عم تطلع من البيت وكل ما اسالها بتقلي شي خياطة شي سوق ماهر: بربك مراد مالي رايقلك انا شو بعرفني وين عم تروح بجوز صح متل ما قالتلك مراد: مااااهر اذا مخبي عني شي مو نيالك احكي لا تطالعلي جناني ماهر:اااه خلص لح احكيلك يمكن عم تزور هبة بالمشفى مراد حس قلبه لح يطلع من محله.. شووو هبة ليش شو بها فيها شي احكي ماهر لا تخوفني ماهر: لا طول بالك ستها تعبانة وبالمشفى الها فترة وانت ليش رتعبت😏 لتكون خايف عليها😂😂😂 مراد: ماهر سكوووت وبلا مسخرة انا التلك هالبنت ما بتعنيلي شي طبشت الباب وطلعت ام مراد راحت عالمشفى ودخلت على غرفة ستها لهبة بس لقت التخت فاضي حكت مع الممرضة وسالتها بعد اذنك الحجة ام فواز اللي كانت هون وينها الممرضة:عطتك عمرها من يومين ام مراد تفاجأت وفورا خطرلا تروح على بيت هبة لان هية معها العنوان وراحت فعلا هبة كانت حالتها بالويل وصايبتا حمى وعم ترجف وتان وتهلوس ام مراد عم تحكي مرت ابوها لهبة مرحبا العمر الكن انا ام مراد رفيقة امها لهبة ممكن شوف هبة سعاد:كيف رفيقة امها من وين لوين هية موجودة جوا بالغرفة تفضلي بيسان عرفتا وفوتتا لعند هبة ام مراد: حبيبة قلبي يا هبة يا عليي عليك العمر الك يا روحي الله يرحمها ويعوضها الجنة هبة تشهق وتبكي بدون صوت ام مراد: ضاممتا وعم تمسحلا على شعرها وعم تحكي مع ام بيسان ليش هيك حالتا ما شفتولا دكتور ام بيسان: بصراحة كلهن حاطين الحق عليها وما حدا عم يدير باله عليها عدا عن تسميع الحكي اللي عالطالعة والنازلة بسمعوها ياه ام مراد: بس هية مالها ذنب حبيبتي هبة بعرف مو وقته هلأ بس انتي لازم تروحي من هون لاي مكان تاني غير هون انتي هون عم تضلي تتذكري ستك ام بيسان: مظبوط بس هية مالها حدا امها برات البلد وعمامها وابوها شوفة عينك ام مراد: انا باخدها الكل انصدم وقت حكت هيك الا هبة اللي صايرة متل الشبح جسد بلا روح وما عم تحكي ولا تاكل بس عم تبكي ام بيسان: طيب شو بدك تقوليلهن مستحيل يبعتوها هيك بدون سبب ام مراد : انا لح دبر كل شي انتو ضبولي كم غرض الها وانا بكرا لح ارجع اخدها يلا عن اذنكن باست هبة من جبينا شدي حالك يا روحي .... خلص العزا والكل راح ع بيته وبقيت لحالي حتى ابي ما كلف خاطره يقلي امشي معنا او ما بصير تبقي لحالك واتصلت امي فيني وعزتني وقال بدها تاخدني لعندها لان ما ضللي حدا طبعا انا رفضت وقطعتلها كرت لان هيك ام مستحيل اني سامحها وروح لعندها بعد ما رمتني نامت عندي بيسان هية واخوها مهند بحكم ان نحنا بنات بالليل عم ندردش بيسان: عملت قهوة مشان تروقي هبة: ابتسمت ونزلت راسها ونزلو دموعها بيسان: حبابة حاج تبكي والله معك حق بس هي سنة الكون وانتي لازم تكوني قوية مشان تقدري تواجهي جاييتك ايام صعبة يا هبة انا ما بدي زيدعا عليكي بس بصراحة سمعت عمتك عم تقول لابوكي ان ياخدك لعنده مشان يفضو البيت ويتقاسمو الورتة وقال عمتك احسن مو قاعدة بالاجار بيت امها فاضي بتجي بتقعد فيه هبة: طلعت فيها مصدومة لك العمى ما اوقحهن ستي لسى ما نشف ترابها وعم يحكو بالورتة لك الله ياخدهن كلهن هنة والمصاري وصارت تبكي بيسان: شو حكينا هبوش ما عد تبكي لازم تكوني قوية وتعرفي كيف تتصرفي هبة: بس اذا طالعوني من البيت وين بدي روح بحالي بيسان: والله ما بعرف المشكلة انك تسكني ببيت لحالك مو ظابطة وتروحي تعيشي مع ابوكي كمان مو حل هبة: هههه ضحكتيني عاساس ابي قااتل حاله عليي🤣 بيسان: هههه تسلملي هالضحكة ليكي ليكي هبة: نقزتيني شو بك بيسان: شو رأيك اخدك ضرة 😉😉 هبة: ههههه يبعتلك الهنا والله ضحكتيني لك صحي انتي امتى عرسك بيسان : يعني شي شهر مو مطولة سهرنا لقريب ال2 وبعدها نمنا فقنا على صوت الباب من صبحية الله لقيت عمتي وشاحطة ولادها وغراضهن هبة: اهلين عمتي خير عمتي هند: خير يصيبك سلمنا البيت واجينا نسكن ببيت ابي وامي حاجتنا اجارات وبهدلة هبة: بس كيف ما انا عايشة فيه عمتي هند: بتطلعي حبيبتي بتروحي لعند ابوكي او لعند امك هبة: مستحيل هالشي انتي بتعرفي ابي ومرته وامي ببلاد برا وبعدين انا بيت ستي ما بتركه فهمتي عمتي هند: معناها بجوزك لواحد من ولادي وبتعيشي معنا هبة: انا جنيت لان لاخد واحد من ولادك واحد سكرجي والتاني خريج حبوس جابر ابن عمتي: اخرسي وليه تضربي من بين البنات بعدين ليكو مين يحكي ما انتي مقطعة السبعة وزمتها هبة: انت اللي بتخرس انا اشرف منك ومن عيلتك جابر لطشها كف جابها بالارض ركضت بيسان لعندها خلص قومي لا تتجادلي معهن امشي نروح لعنا عالبيت جابر: ومين حضرتك لتاخديها اكيد شي وحدة فلتانة متل حكايتا هي البنت بنت خالي وهية عرضنا وما بصير تطلع وين ما كان بيسان: فشرت بعينك واحد قليل ادب جابر : رفع ايده واجى بدو يضربها اخرسي وليه احسن ما اعملك خريطة بوشك هبة وهية عم تبكي بيسان خلص بلا مشاكل خلص انا لح ضب غراضي واتركلكن البيت جابر: وين بدك تروحي هبة: انت شو الك علاقة جابر:انتي بنت خالي ومالح اسمحلك تفلتي على كيفك اذا ابوكي ما بده ياكي بتزوجك وبتعيشي معنا هبة: فشرت بعينك اخد واحد متلك جابر اجى بدو يضربها بس تراجع انتي انقلعي لبرا يلا وهبة ما عد تحكي معها واذا بشوفك هون بكسر رجليك وانتي اتقبري ع غرفتك لح احكي مع ابوكي واخطبك منه اذا وافق الليلة منكتب الكتاب ومنتزوج هبة شهقت وصارت تبكي وركضت عالغرفة بيسان: بس هاد الشي ما بصير ما لازم تجبروها على شي للبنت جابر: لك لساتك واقفة انقبري لبرا خلصينا وصار يدفش بيسان: استنى بدي جيب غراضي من الغرفة بقلبها عم تقول تضرب شو انك حيوان فاتت لعند هبة وتطمنت عليها هبة:ليكي شو اعمل والله تربطت ايديي بيسان: اهربي لازم الليلة تطلعي من هون بس مو لعنا لان فورا لح يلاقوكي هبة: وين بدي روح مالي حدا ندق الباب وكان جابر يلا خلصينا شو ساعة اي جاية عم ظبط اواعيي ودور على جوالي فاتت عمتها لهبة بعتها جابر خاف تكون بيسان عم توز بعقلها بيسان: يلا حبيبتي انتبهي على حالك هبة: بوستها وغمزتها وبيسان فهمت عليها مر اليوم وهبة ما طلعت من غرفتا فجأة انفتح الباب وكان جابر هبة ركضت وتخبت لك العمى ما اوقحك كيف هيك بتفتح الباب جابر: خرسي ولا تكبري بالحكي كلها يومين وبتصيري مرتي هبة: شو بدك ليش جاية جابر:جاية قلك تجي تتعشي بيسان: ما بدي مالي جوعانة جابر:ما اكلتي شي من الصبح هبة:ما بتفهم عربي مااا بدي اتسمم والله لسانك بدو قص بس مو هلأ لنتجوز والله لربي القرود فيكي هبة: ربي حالك اول واحد وقح هجم عليي وصار يضربني واجى اخوه خلصني منه طلعو وانا قفلت الباب قعدت بالارض وصرت ابكي شو اعمل يا ربي وين روح بحالي تذكرت خالة ام مراد وقت عطتني رقمها طالعت جوالي واتصلت فيها ببيت مراد: مراد: امي كيف بتعملي هيك نحنا شو دخلنا فيها ماتت ستها الله يرحمها عندها ابوها عندها امها خلصنا بقا انا طالعتا من حياتي عم تفهمي ام مراد: لك انت ما شفت حالتا كيف كانت لك والله بتصعب عالكافر مراد: بتستاهل اكتر من هيك هاد عقاب الله الها عاللي عملته فيني ام مراد: ما بعرف ان قلبك اسود هيك عن جد فاجئتني طبعا ام مراد من وقت رجعت من العزا وهية عم تقنع مراد ان تجيبها بس رفض رغم ان وعدتهن ترجع تاني يوم بس مراد متنح وخافت يعمل بحاله شي رن جوال ام مراد وجابتلا ياه الشغالة ام مراد: الو اهلين مين معي هبة عم تحكي همس مشان ما حدا يسمعها مرحبا خالة انا هبة ام مراد: اهلين حبيبتي خير شوفي عم تدقي بالليل صاير معك شي هبة عم تبكي بصراحة صاير معي مشكلة اجو بيت عمتي وقعدو بالبيت ومعها 2 شباب وبدها تجوزني لواحد منهن بالغصب مالي غيرك يساعدني ام مراد: طيب حبيبتي اهدي انا جاية لعنكن هبة: لا خالة لا تجي هلأ بس ينام الكل انا ببعتلك رسالة لان انا لح اطلع والكل نايم ام مراد: بدك تهربي انا فكري نحلها سلمية هبة: هدلون ناس ما بيفهمو بالذوق لو تشوفي كيف ابن عمتي ضربني وزرقلي وشي وعمتي ما حكت معه شي ام مراد: يا قلبي عليك خلص بس يصير فيكي تطلعي حاكيني هبة:تمام الله معك ام مراد راحت لعند مراد لتخبره بس خافت يرفض اي واذا رفض بحكي مع ماهر بحكي مع عامر بحكي مع القرود الزرق بس خلصها للبنت دقت الباب على مراد نمت حبيبي مراد: لا امي تعالي بس اذا جاية لنفس الموضوع ارجعي ام مراد: اسمعني مراد القصة هية نفسها بس هالمرة في شي مراد: هوهوووو علينا امي ما خلصنا ام مراد: اسمعني البنت واقعة بمشكلة دقتلي قبل شوي وقال بيت عمتها اجو سكنو بالبيت تبعيت ستها ومعهن 2 شباب وبدهن يجوزوها لابن عمتها بالغصب مراد تجلس بسرعة شلووون مين خبرك ام مراد: حتى ان واحد منهن ضاربها مراد بلهفة قومي بسرعة امي نجيبها ما لازم نتركها ام مراد: لك استنى شو بك لح نجيبا بس مو هلأ لان بدها تستناهن لينامو وبعدها تطلع مراد: كيف 🤔🤔 بدها تهرب بالليل ام مراد: اي مافي غير حل قالت ان كتير متعصبين وعقلهن صعب خليك جاهز اذا نمت لح فيقك ها مراد :تمام امي طلعت ام مراد ومراد قعد يفكر يالله شو كان بدنا بهالقصة تتزوج مين ما بدها يالله يا امي خلص بس تجي تقلي لح قلها مالنا علاقة ومو ناقصنا وجع راس عند هبة.. طلعت اشرب مي لقيت عمتي سهرانة هية وبنتها عمتي عندها 3 ولاد شبين والبنت صف رابع وزوجها متوفي عمتي: على وين ان شاء الله هبة: رايحة اشرب مي اذا ما في مانع عمتي: اي شربي وفوتي معك عالغرفة لان بدك تقفلي الباب مشان ما تطلعي بالليل بتعرفي ولادي شباب طبعا انا مو خايفة منهن عليكي خايفة عليهن منك هبة متفاجئة اجت بدها تردلا بس سكتت قال خليني احكي معها برواء بركي بتقتنع وبتقنع ابنها يحل عني هبة:عمتي ممكن نحكي شوي عمتي: قولي شو بدك بسرعة لان عندي مسلسل تركي لح يبلش بعد شوي هبة: بترجاكي تحكي مع جابر يتركني انا ما بدي اتزوج بدي كفي دراستي عمتي: ولنفرض رضي وين بدك تسكني هبة: بدبر حالي بسكن بالسكن الجامعي عمتي: لا والله ما حزرتي جابر بدو ياكي من زمان بس امي الله يرحمها كانت واقفة بوشنا وهلأ مو على كيفك بدك تتزوجيه هبة: بس انا ما بحبه وما بدي ياه مشان الله حلو عني عمتي: لك اخرسي انتي بدك واحد متل جابر يضبك ما بكفي اللي صار لعيلتنا بسببك نحرمنا من امي من وراكي هبة: لو بتهمكن ستي كنتو زرتوها وما تركتوها وكنتو ما تقاتلتو عالورتة من تالت يوم العزا عمتي:اخرسي يقصو لسانك العمى ما اوقحك هبة: يعني شو مالح تحكي معه عمتي : لأ طبعا اصلا بكرا يمكن نكتب الكتاب حكينا مع ابوكي وقال ناخدك لعنده مشان تطلعي من بيته مشان العالم ما تلت وتعجن هبة: منكن لله بس الله لا يسامح كل واحد اذاني قامت وطبشت الباب وراها وقفلته بس صارت الساعة 1 ما عد سمعت صوت ابدا عرفت ان الكل نايم طلعت تتاكد ما لقت حدا بنوب بعتت رسالة لام مراد مشان يجو ياخدوها ام مراد كانت جاهزة طلعت لعند مراد لتفيقه بس لقته فايق امي يلا لازم نطلع مراد: امي انا مو رايح ولا حتى انتي مو ناقصنا مشاكل لان ام مراد: شو قلت كيف هيك انا وعدت البنت مراد: امي بلاها كرمال الله شو النا عندهن لنروح نجيبا ام مراد: انا ما فيني اسكت عالظلم اذا مالح تروح لح فيق ماهر او بروح لحالي عم تفهم مراد: خلص روقي يلا نروح وصلو ع بيت هبة ودقتلا امه لمراد هبة كانت ضابة كم غرض الها واوراقها الثبوتية ووبطاقة الجامعة طلعت عالهسي مشان ما حدا يسمع سمعت حركشة بالمطبخ ركضت وقفتا رغد رغد: هبة وين رايحة هبة تلبكت وما عرفت شو تجاوب ليكي حبيبتي انتي هلأ صغيرة بس وقت تكبري لح تعرفي ليش هيك انا عملت انا رايحة لعند امي لان ما بدي اتزوج اخوكي وعديني ما تخبري حدا انك شفتيني في لعبة بغرفتي خديها الك وتذكريني تمام رغد: هزت براسها ان اي باستها هبة وطلعت لقت سيارة مراد بعيدة شوي عن البيت ركضت بتجاها لاقتلها امه لمراد ومراد هبة : مسا الخير ام مراد : اهلين حبيبتي الله يكسر ايديهن شو هاد هبة: مو مشكلة انا اسفة لاني ازعجتكن بس ما لقيت حدا غيرك يساعدني مراد ما حكى ولا كلمة بس نقهر على حالة هبة طلعو قبل ما حدا ينتبه بتكملو حديث بالسيارة طلعو بالسيارة وقبل ما يمشو لاحظو ان شتغلت اضوية البيت شد مراد بالسيارة وهوة طالع نفتح باب البيت بس طبعا ما لحقو يشوفو شي لان عتمة عمة هبة:شووو ما لقيتا جابر : لا هربت الكلبة والله لاشرب من دمها رغد تعالي لهون رغد عم تبكي وخايفة جابر: انتي شفتي شي هبة وهية وعم تطلع من البيت هزت رغد براسها وان ما شافت شي عمة هبة: لك ابني اختك صغيرة شو الها بهالشغلات جابر: ما بعرف لح جن لح دق لخالي وشوفه بركي بتكون راحت لعنده عمة هبة: وبركي ما راحت جابر: معناها بتكون هربت مع شي شب الجوال لحظة جوالا وين ركضو على غرفتا ومالقوه اخدتو معها شلون ما نتبهتا ان ناخد جوالا منها جلال: اكيد رفيقتا ساعدتها اللي كانت الصبح هون شو اسمها جابر: بيسان مظبوط اكيد هية هلأ فوتو نامو والصباح رباح والله لاقلب الدنيا على راسها _- طبعا مراد ما قام عيونه عنها من المراية وهية كل شوي تطلع تلاقيه عم يتطلع عليها حتى ام مراد نتبهت وصلو على بيت مراد نزلو وهية ضلت بالسيارة خجلانة ام مراد: نزلي حبيبتي لا تستحي نزلت وفاتو عالبيت وهبة حكتلهن كل شي صار معها ام مراد: بسيطة حبيبتي قومي نامي ورتاحي والصباح رباح معك بجامة ؟ هبة :اي معي يسلمو ام مراد: مراد انت افرش ونام عند ماهر وهبة بتنام بغرفتك اليوم مراد ما عجبه وطلع بهبة وزورها هبة: لا خالة مو مشكلة بنام بالمطبخ انا ام مراد: يا عيب الشوم منك معقول انا كنت التلك تنامي مع جنى بس ما بدي ياها تحس على شي هلأ بس هالليلة دبري حالك بغرفة مراد هبة: لا تواخذني مراد بيك عالازعاج مراد تجاهلها وطلع اخد فرشة وراح على غرفة ماهر وهوة عم يبربر ويتمتم لحاله وهبة راحت على غرفة مراد الكل راح ينام وام مراد راحت على غرفتا لقت زوجها فايق اشرلا بعيونه شو صار حكتله كل شي وان جابوها طبعا ابو مراد ما كان موافق بالبداية ان تطلع من السجن بس بعد اصرار مرته تجاوب معها تاني يوم الصبح فاقو بيت عمتها لهبة واتصلو بابوها واجى وحكوله شو صار ابو هبة: انتو الحق عليكن انتو السبب خليتوها تهرب كان لازم ما تحكو معها بموضوع الزواج ابدا الا لتجي لعندي وبعدين منجبرها جابر: بنتك لو مو عاملة شي من ورا ضهرك ما كانت بتهرب لكن عايشة عند حرمة كبيرة وستي كانت مطمعتها وهية فلتانة على كيفها ابصر مع مين هربانة ابو هبة: سد حلقك فشرت عينك بنتي ما بتعمل شي صحي انا ما ربيتها بس امي ما قصرت لازم ندور عليها بسرعة خلينا نشوف رفيقتا بيسان الا ما تكون بتعرف شي راحو على بيت بيسان وبلشو تخبيط عالباب فتحلهن مهند مهند: ايييي شو بكن شو عم تدقو على زريبة ابو هبة: مهند وينها هبة مبارح طلعت من البيت وما منعرف وينها طلع ابو مهند عالصوت: اهلين جار تفضل نحكي جوا جابر: لا اهلين ولا سهلين وين رحتو ببنت خالي احكو احسن ما اطلع بروحكن ابو هبة: اهدى خالي انا عم احكي معهن طلعت بيسان وامها عالصوت ركض جابر على بيسان ومسكها من ايدها احكي ولي وين هبة وين هربتوها بيسان: ايي عم توجعني ما بعرف وينها ما شفتا والله ما شفتا هجم مهند عليه اترك اختي يا حيوان وراح ضاربه بوكس قام جابر وردله الضربة وفات عالبيت غصب عنهن هبة يا هبة وينك يا حقيرة اطلعي والله لاطلع بروحك ابو مهند : هييي انت شو مفكر حالك عم تعمل قلنالك البنت مو هون جابر: ماشي والله اذا بتعرفو وينها ومخبين لخلص عليكن مهند: ايدك وما تعطي ابو هبة: بيسان جيبي جوالك لحظة بيسان: كيف شو بدكن من جوالي ابو هبة: اذا محاكية هبة بالليل معناها الك ايد بتهريبا ابو مهند: جيبي جوالك بابا بيسان : بس يا بابا.. ما .. ابو مهند: خلص بابا جيبيه خليهن يتأكدو جابته بيسان وفتحته قدامهن وبحركة سريعة من جابر اخده من ايدها مشان ما تمحي شي فتح المكالمات ما لقى شي وفتح الرسائل والواتس ما في شي اتصل على هبة من جوال بيسان ببيت مراد عالفطور بعد ما تعرف الكل على هبة وجنى تعرفت عليها وحبتها الخدامة: جوالك عم يرن يا خانم مراد: مين حدا من اهلك هبة: لا بيسان عم تتصل الو اهلين بيسان جابر: وينك وليي هاد انا جابر يقصف عمرك تلون وجها وخافت وصارت ترجف جااا .. جابر سحب مراد الجوال منها وحكى معها مراد: هبة صارت بامانتنا ومستحيل تشوفو وشها بعد اليوم وان كنك رجال خلي شغلك معي انا جابر: مين انت ولااا .. مييين اييي اكيد انت اللي هربت معه هالواطية مراد: فشرت بعينك انا مراد الأكرمي وابي بكون يوسف الأكرمي وكنك زلمة تواجهني ... وسكر بوشه الكل كان عم يتطلع ومصدوم ابو هبة: شو مين هاد اللي حاكاك جابر: عم يقول مراد الأكرمي ابن يوسف الأكرمي وهبة عندهن صارت ابو هبة : شو وصل هبة لهيك جماعة بيسان انتي رفيقتا الوحيدة احكيلي شو بتعرفي ابو مهند: جار تفضل لجوا ومنحكي جوا على انفراد فات ابوها لهبة وجابر رجع على بيتهن لان عرف ان غير مرغوب فيه وحكى ابو مهند لأبو هبة كل شي صار وان هبة مظلومة ابو هبة انقهر كتير عاللي صار ببنته وان نحبست ظلم بس هاد ظلم لازم اللي عملو هالعملة يتحاسبو ابو مهند: هية كانت خايفة على ستها الجماعة خطيرين كتير ابو هبة: طيب والعمل بنتي لازم ترجع لعندي ما بصير تضل قاعدة عند ناس غربا ابو مهند : وجابر ابن اختك بتضمنه ما ياذيها انا برأيي تروح لعندن وتتفاهمو سوا وانسب حل انك تسفرها لعند امها خليها تبعد شوي وترتاح نفسيتا ابو هبة: على خير ان شاء الله شكرا الك اخي ابو مهند انت كنت اكتر من اب لهبة وساعدتا ووقفت جنبها بالوقت اللي انا كنت ظالمها وبعيد عنها ابو مهند :ولا يهمك واجبنا راح ابوها لهبة وصار يسأل معارفه عن بيت السيد عاطف ببيت مراد ام مراد قاعدة هية ومراد بالغرفة وعم تحاول تقنعه ان يتزوجها ام مراد: امي الله يرضى عليك فكر بالموضوع ما شفتها كيف دبلانة والله بتصعب عالكافر حالتا مراد: مستحيل امي انا مالي طايقهاواذا لح اتزوجها لح تتعذب معي كتير والبنت مو ناقصها ما لح اتزوجها وهاد اخر كلام عندي كانت صواتهن طالعة ومسموعة منيح للصالة وهبة سمعت كل شي راحت لعندن وفتحت الباب وفاتت هبة: انا اسفة لاني قطعت حديثكن بس صوتكن لبرا والموضوع بخصني سيد مراد مو بس انت اللي ما بدك تتزوج حتى انا مالي موافقة على هالشي انتو عملتو معي معروف كتر خيركن كملو معروفكن معي بس لاوصل لعند امي ام مراد: حبيبتي هبة شو هالحكي مو التيلي امك تركتك وسافرت وما بتسأل عليكي كيف بدك تروحي لعندها هبة: خالتي انا ما ضللي حدا هون كلهن تخلو عني وطلعت على مراد وكملت بروح لعند امي عالقليلة ما لح تجبرني اتزوج حدا وبخلص من ذكرياتي هون مراد حس ان عم تلمح على شي واجى بدو يحكي بس ندق الباب وكان ماهر ماهر: ابوها لهبة اجى لهون شفناه من عالكاميرا هبة مرعوبة: اكيد اجى ياخدني بس كيف عرف البيت ليكه عم يدقلي عالجوال شو اعمل مراد : انا طالع ورجيه قيمته هبة: مسكت ايده .. لااا مراد بترجاك هاد بضل ابي صفن بعيونها اللي معبايين دموع واللي قالب لونهن على رمادي فاق من سرحانه على صوت هبة هبة: مراد لو سمحت ما تعمله شي مراد: طيب بس لح اتفاهم معه طلع مراد لعنده وحكى معه وفهمه ان مالح يشوف بنته وهدده ابو هبة: بس يا ابني ما بصير تقعد عنكن انتو بتضلو غربا العالم شو بدها تحكي مراد: اتطمن بنتك لح تسافر لعند امها ابو هبة: طيب خليني اخدها معي وانا بجهزلها وراقها وبسفرها وين ما بدها مراد: مستحيل هالشي انت اذا اخدتها لح تجوزها لابن اختك الصايع مشان تخلص منها ابو هبة: لا والله انا قسيت عليها والدنيا ظلمتها وحابب اني صلح غلطي معها مراد: مستحيل يلا روح من هون احسن ما جبلك الشرطة ابو هبة: طيب خليني شوفها واحكي معها وانا بقنعها مراد: لا تخلي جناني يطلع لأ يعني لأ لو انك حريص كنت من الاول دافعت عنها بس انتو ذليتوها وعذبتوها وخليت واحد كلب متل جابر يتطاول عليها ويضربها لو كنت اب حنون ما كنت سمحت لحدا يزعجها بكلمة روح من هون ما بدي ابتلى فيك ماهر: خلص مراد طول بالك خلص يا عم روح من هون وانسى الك بنت اسمها هبة فات مراد عالبيت وكانت اعصابه تلفانة صاير معه صراع داخلي ممزوج بين الحب والكره من جهة كرهانة لهبة ومو طايق وجودها وبنفس الوقت مو هاين عليها تتبهدل عم يروح ويجي بالصالة خلص مراد اهدى شو بدي فيها انا عم اعمل معها معروف ولح كمله للاخر راح مراد وحكالا لهبة كل شي وخيرها بين ان تبقى لحتى يسفروها هنة وبين ان ترجع لعند ابوها وهوة بسفرها هبة رفصت تروح وقالتلهن اذا متدايقين مني بروح لعند ابي مراد: لو متدايقين منك ما كنا قبلنا نساعدك من الاول خليكي هون لتسافري لعند امك قامت هبة على غرفة مراد ترتاح شوي وصارت تحكي مع حالها شكله خلص ما عد حبني ابدا واضح من كلامه وتصرفاته ااااخ يا مراد لو تعرف شو الحقيقة والله همي كبير ومفكر اني انا المذنبة يا ريت فيني احكيلك شو صاير معي صفنت بغرفة مراد غرفة كبيرة ومصممة بديكورات وجبسين واضاءة مخفية والاثاث اللي فيها بشل من الرتابة ومع الغرفة حمام كبير مع جاكوزي وانا صافنة بالغرفة فاتت ام مراد لعندي وجايبتلي كاسة عصير ليمون ام مراد:تفضلي حبيبتي روقي حالك وبلي ريقك هبة: يا عيب الشوم يا خالة انتي جايبتيها كنتي ناديلي بجي انا باخدها ام مراد: انا تقصدت جيبا لنحكي شوي حبيبتي انا بعرف قصتك انتي ومراد وجاية احكي معك مشان توافقي على مراد انا بعرف انك بعدك بتحبيه هبة تشردقت بالعصير وصارت تسعل احح اااحح ام مراد :صحة صحة بسم الله عليك شو صرلك هبة: بس انا ما بدي اتزوج وستي مالها اسبوع متوفية بترجاكي خالة والله قلبي من الحامض لاوي ومالي نفس لا للفرح ولا لشي بعدين انتي عم تحكي هيك كل شي عملته لمراد ولعمو يوسف واللي صرلهن بسببي وبدك ياني اتزوج مراد ام مراد: انا بعرف ان مالك علاقة بالموضوع هبة مصدومة 😳😳 كيييف ام مراد: وحدة بجمالك ورقتك وبرائتك مالح يطلع بايدها تعمل هالشي اكيد في حدا مورطك معه بهالقصة واخر شي رماها عليكي لحالك وسدقيني لو عندي شك 5 بالمية ان الك علاقة ما كنت بساعدك وبخلي مراد يطالعك ولا حتى بفوتك عالبيت هبة: صارت تبكي وحست ان ردتلا الروح وضمتا لام مراد وصارت تبكي ام مراد: ايمتى ما حبيتي تحكي انا جاهزة اسمعك وصدقيني كيف ما كانت القصة لح ساعدك للاخير هلأ شو قلتي مشان مراد هبة: بس هوة مو طايقني ولا طايق وجودي ام مراد: انتي وافقي وما عليك مراد بحبك بس اخد على خاطره وعم يكابر بكرا بعد الزواج برق قلبه انا كل عمري كنت احلم زوجهن سوا بترجاكي لا تحرميني هالفرحة هبة: 🥺 تزوجيهن سوا يعني بعد 4 ايام بترجاكي خالة مستحيل هالشي انتي قنعيه يتزوج وحدة تانية ام مراد: ما هوة من الاول كان رافض فكرة الزواج لوقت تعرف عليك وحبك وبعد اللي صار قام فكرة الزواج من باله هبة: طيب عم تقولي قام فكرة الزواج معناها ما لح يوافق ام مراد: انا بجبره وهوة مرضي مالح يردلي طلب هبة: زواج بالاجباري وانا محروق قلبي على ستي وما بقيلي حدا بهالدنيا انا شو بدي اتحمل لاتحمل ام مراد: انا لان ما بقيلك حدا اقترحت عليك بصراحة انا حبيتك من قلبي ومو حابة اخسرك انا من اول مرة شفتك فيها دخلتي لقلبي وحسيتك مظلومة وانتظرت مراد لتعافى منيح وطلبت منه يطالعك هبة: ان.. انتي اللي طلبتي منه يطالعني مو من حاله يعني ام مراد: هلأ المهم فكري بالموضوع معك كل الليل وما عليكي من مراد بكرا ناطرة ردك تمام؟ هبة بنفس حزينة ومكسورة ان شاء الله طلعت ام مراد وهبة قعدت تبكي وما عرفت تقرر مراد ما بده ياني كيف لح ينجبر يعيش معي وانا شوووو ليش ما حدا حاسس فيني ليش كله ضدي وما حدا بهمه مشاعري والله هيك حرام اجت جنى من مدرستا ودخلت لعندها لقتا عم تبكي جنى :خير هبة شو بك شو صاير معك هبة: مسحت دموعها .. ما في شي فشة خلق اشتقت لبيتي ولستي ولجامعتي جنى: صحي انتي ليش ما بترجعي بتداومي هبة: هدا الفصل مشي حاله لاني ما داومت بس لازم بالدورة التكميلية عيد المواد بس ما عندي كتب ومحاضرات ضلو كلهن بالبيت جنى: بسيطة منحكي مع امي وهية بتجبلك شو بدك بس انتي لا عاد تبكي وعانقتها انتي متل اختي واغلى اتفقنا هبة: تسلمي يا احلى اخت اتفقنا بالشركة عند مراد ... علي: شو شريك ما عد شفناك الا بالنادر مراد: خليها لله لك والله مخنوووق كتير ومو طايق حالي ولا الشركة ولا شي علي: مراد انت صرلك فترة غايب والشغل تراكم رغم اني حاولت غطي عنك كتير بس في امور لازمها توقيعك وفي اكتر من صفقة بدها مناقشة وانت ولا ع بالك احكيلي شو بك شو صايرلك مراد: هبة ... علي: هووهوووو علينا ما عد نخلص من هالقصة شو في كمان مراد: البنت توفت ستها واهلها تخلو عنها واخر شي بدهن يزوجوها لابن عمتا بالغصب علي: اييي قام انت رحت خطفت البنت واجيت مراد: موووو انا امييي قال قلبها حاسسها ان البنت مظلومة علي: والله ان خالة سناء اخت رجال تسمع مني عطي للبنت فرصة تانية احساس الام ما بخيب مراد: مستحيل يا علي في شي انكسر بينا انا مو قدران اسمع باسمها علي: قصتك معقدة الله يحلها من عنده قوم عالاجتماع لنتاخر ببيت مراد: هبة من كتر البكي غفيت جنى بغرفتا عم تدرس ام مراد عم تحكي مع زوجها ان لح تزوج مراد لهبة وبس يرجعو الولاد من الشغل لح تخبرهن وصلو ماهر ومراد نادت عليهن الام وطلبتهن لاجتماع وطلبت هبة معهن اجتمع الكل حتى ابوه لمراد كان حاضر ماهر: خير ماما شوفي ام مراد: حبيبي ماهر بما ان عرسك قرب وانا من كل عمري بحلم ان زوجك انت واخوك بنفس اليوم انا اليوم خطبت لمراد بنت متل القمر بس هية لسى ما ردتلي خبر اذا صار ووافقت لح يكون عرسكن سوا شو قلت مراد وغمزته مراد انصدم وطلع على هبة لقاها منزلة راسها شكه قلبه مين العروس امي؟؟ ام مراد : ليكها قاعدة قدامك مين في غير هبة مراد بعصبية: مستحيل ... هدا الشي من سابع المستحيلات كل الدنيا عندي كوم وهالجوازة كوم ام مراد: هلأ انت لا تعطي جواب فكرو انت وهبة ولبكرا بتردولي خبر مراد طلع على غرفته والباقي ضلو قاعدين ومصدومين ماهر: امي فاجئتينا بصراحة ام مراد : لسى في مفاجأت تانية بس مو هلأ وقتا جنى خبري المطبخ يحضرولنا العشا تعشوو وكل مين طلع على غرفته مراد رجع ينام بغرفته وهبة عم تنام مع جنى بنص الليل هبة فايقة وعم تروح وتجي بهالغرفة عم تفكر وتحكي مع حالها يا ربي شو اعمل انا ما ضللي حدا بهالدنيا وامي مسافرة واصلا ما بدها ياني واذا رجعت لاهلي ابن عمتي مو تاركني بحالي يا ربي وافق ولا شوو يا ترى مراد ممكن يوافق ما بظن هوة مو طايق وجودي بنوب احسن شي اتوضى وصلي استخارة والله يقدم اللي في الخير بغرفة مراد عم يحكي هوة وماهر مراد: امك لح تجنني يا رجل لك بتحطني بكل شغلة الله مولاها ماهر: طيب ليش ما بتحكي مع هبة وتجبرها ان ترفض وهية اذا رفضت امك ما لح تجبرها ومالح يطلع بايدها شي مراد: وبركي وافقت ماهر: مستحيل شو لهالدرجة شايفة رخيصة واحد ما بده ياها وبدها توافق مراد: لح جرب ما ضل غير هيك قدامي طلع مراد ودق الباب شوي فتحتله هبة وهية خجلانة وراسها بالارض خير في شي بدي احكي معك امشي عالصالون طلعت هبة وراحت معه مراد: اسمعي يا بنت الناس انا ما بعرف شو عاملة لامي حتى بالفتيها ومنبرعة فيكي و مصرة على عالزواج انا من اخره ما بدي ياكي وطالعتك من قلبي ومو حابب عيشك بجحيم لانواللي فيكي مكفيكي هبة بلشت تبكي وتقول بقلبا لهالدرجة قديه هوة انسان حقود مراد : اسمعي مو وقت البكا ودموع التماسيح مو عليي انا ما بقدر ارفض لامي طلب لهيك من الاخر هالجوازة مالح تتم وانتي اللي ترفضي واذا صار العكس ووافقتي لاحرق قلبك باليوم الف مرة لاتزوج عليكي تلاتة واعملك خدامة الهن عم تفهمي روحي من وشي هلأ هبة ركضت عالدرج وهية عم تبكي وتشهق فاتت عالغرفة وبلشت تبكي بصوت عالي فاقت جنى على صوتها ولقتها بحالة هستيرية وعم ترجف كلها سوا جنى: بسم الله عليكي شو بك هبة احكي ردي عليي شو في فجأة داخت ووقعت عالارض جنى عم تصرخ.. هببببة لك هبببة قومي شو صرلك ركضت ع غرفة امها وعم تصرخ اميييي يا اميييي طلع الكل ع صوتا ام مراد: شو في شو بك جنى: هبة ... ما بعرف شو بها فقت لقيتا عم تبكي وفجأة غابت عن الوعي ركضت ام مراد ومراد وماهر حملها مراد وحطها عالتخت ماهر دكتور بلش يفحصها لك هي غايبة عن الوعي وحرارتا مرتفعة كانه عم تهلوس هبة: ستيي ...اممم ما دخلني تركوني تركووني مو انا والله اناااا .. اممم عطاها ابرة مهدئ وضل عندها لنزلت حرارتا مراد متوتر كتير وعرف ان اللي صارلا بسببه ام مراد: شو ماهر طمني ماهر: اتطمني هلأ بتنزل حرارتا وبكرا بتفيق ما فيها شي مراد الحقني ع غرفتي انت شو عملت اااه كنت قتلتا للبنت بتعرف ان معها صدمة نفسية بس انا ما رضيت احكي شو حكيت معها قلي خبره مراد لماهر بكل شي ماهر متفاجئ: لك يخربيتك شو صرلك قلنالك قنعها ترفض مو تهددها عن جد مجنون فجأة انفتح الباب وفاتت ام مراد انت يا مراد انت السسب بحالة البنت لك يا حيف عليك وضربته كف مراااد: اميييي قلتلك لا تخليني اعمل شي تندمو عليه ام مراد: هالجوازة لح تتم مو بكيفك عم تفهم اذا عطت البنت موافقتا وانت رفضت لاغضب عليك ليوم الدين والف واحد بيتمناها صدق لجوزها لابن خالك وائل شب متعلم ودكتور ودارس برا ونظرة من هبة بتخليه يدوب فيها انا اللي بعرفه عن البنت انت ما بتعرفه ولولا خوفي ما تتهور لاحكي كل شي وما ضل مخبية _- تڼسيق قڼاة ݛوايات ۦﺎݛتمس ._ https://whatsapp.com/channel/0029VaEoU7lI7BeIP4RQvW2G ام مراد: ليش وينها هبة مو على اساس رحتو تكتبو الكتاب مراد: مبلا امي بس وقت سالها القاضي مدري شو صرلها جنت وقالته لأ وطلعت عم تركض ام مراد: ليكون زعلتا اكيد حكيت شي بالسيارة دايقها مراد: لا والله يا امي وغلاوتك ما حكيت معها كلمة ام مراد: الله يصلحكن ويهديكن انتظرو شوي ومراد كل شوي يتصل اذا رجعت او لأ رجع عالبيت صار المغرب وهبة ما رجعت فجأة اندق الباب فتحت الخدامة واذ فايتة هبة منه هبة منزلة راسها: مسا الخير ام مراد ركضت عليها اهلييين يا بنتي لك وينك والله شغلتي بالنا مراد: شو ست هبة شايفتيني طابة بين ايديكي مرة بتوافقي ومرة لأ وبعدين وين كنتي من الصبح طالعة لصار المغرب لشرفتي مسكها من ايدها وصار يهزها هاد الحكي ما بيمشي معي فهمتي بدك تتزوجي من بيت الأكرمي بدك تحترمي هالبيت ام مراد: طول بالك عالبنت لنفهم منها هبة: كنت متدايقة شوي حبيت اقعد لحالي بعدين تذكرت رفيقتي بيسان حكيت معها والتقينا بالحديقة وحكيتلا كل شي واخدنا الوقت عن جد انا اسفة ام مراد: طيب ولا يهمك وليش ما وافقتي وقت سألك الشيخ هبة: مممممم ... ام مراد: حبيبي اتركنا لحالنا شوي مراد: خليكي عم تتدلليها لشوف اخرتها ام مراد : ليكون غيران قصدا حكت هيك لتجاكره تركهن وقعدت ام مراد مع هبة وحكت هبة وفضفضت وحكتلا شو تذكرت وكيف مراد حاول يعتدي عليها صارت تنصحها وفهمتها ليش هية لازم تتزوج مراد اول شغلة لان بتحبو بعض وتاني شغلة ان مراد شاف تلات رباع جسمك هديت هبة واقتنعت ونادو لمراد ام مراد: اي حبيبي بكرا بتروحو وبتكتبو الكتاب مراد: وكيف وافقت ست الحسن ام مراد: خلصنا مراد بكفي انا نصحتها ووعيتها مراد: امي بكرا الجمعة وبعد بكرا السبت يعني يوم العرس و ما في محاكم عطلة ام مراد: يييي اي والله كيف هيك شو العمل مراد: منتزوج بدون كتاب هبة: لاااا مستحيل ما بتظبط مراد: قرب همسلا بتظبظ بتظبط نسيانة ان زواج عالورق هبة غصت بدمعتا بس حاولت ما تنزلها ام مراد:كتاب شيخ بيمشي الحال و2 شهود وبعد العرس منثبته مراد: ما شاء الله عنك كل شي بتلاقيله فتوى ام مراد : على بركة الله هبة: انا في عندي طلب مراد: خير شو هوة هبة:لازم تروحو تخطبوني من ابي صحي هوة تخلى عني بس الاصول اصول ام مراد: عداكي العيب يا بنتي فعلا ونعم التربية دق الحديد وهوة حامي مراد اتصل بماهر وخليه يلاقيلنا وعالطريق منحكي مع عمك مراد: مين عمي اسماعيل ؟؟ ام مراد: لك لاااا شو دخل عمك اسماعيل هلأ عمك ابو خطيبتك شو بك مراد حك راسه ... اي لسى ما تعودت بدي فترة انرسمت ابتسامة على وش هبة بتسحر ام مراد: يسلملي هالضحكة متل الاميرة راحو على بيت ابوها لهبة وطلبوها رسمي ووافقو بس تفاجئو ان كله صار بسرعة وابوها لهبة طلب ان هبة تطلع عروس مدللة من بيته وحكى مع اخته وتصافت هية وهبة رجعت ام مراد عالبيت مع ولادها بس بدون هبة يلا لازم نجهز امورنا بكرا عنا شغل كتير نام الكل على بكير ماهر فرحان ومبسوط بعكس مراد ويارا خطيبة ماهر طاير عقلها بعكس هبة مراد سهران بغرفته: هي اول ليلة بتنام هبة برا البيت حاسس بفراغ نفض راسه من هالافكار اوووف مراد شو بك لا تخليها تاثر فيك تاني يوم فطرو وراحو الشباب على شغلهن البيت معجوق بدهن يجيبو جهاز يارا على غرفة ماهر وبدهن يعلقو جهاز هبة بغرفة مراد وصلت هبة مع خالتها مرت ابوها وعمتها وبيسان وامها وكانت جايبة شوية شغلات جايبتلا ياهن ستها ليوم عرسها انبهرت هبة بجهاز يارا وزعلت على حالها لان لح يصير مقارنة هية جهزت شوي مو متل يارا مو تاركة شي فساتين عطورات سبورات بجامات لك حتى عدة خياطة جايبة خلصو تعليق جهاز ماهر وفاتو على غرفة مراد وبلشت ام مراد تجيب الغراض هبة كانت مدهوشة من اللي عم تشوفو وين كان كل هالشي وايمتى تزين الجهاز وترتب بهالطريقة غمزتها ام مراد شو يا عروس بتحبي نرتبلك نحنا ولا انتي ترتبي لحالك هبة تلبكت وفاتت ببعضها وفردت ام مراد الجهاز وكان ما بقل رتابة وتقل عن جهاز سلفتها يارا راحت هبة سلمت عليها و باست ايدها وبلشت الضيافة والعشا والحلو وخلص هاليوم راح الكل وبقيت هبة واهلياتها عمة هبة: عن جد منتشكرك ما قصرتي ابدا وكل شي مرتب ومن احلى ما يكون ومنعتذر لان قصرنا بحقك يا هبة وان شاء الله تسامحينا فرحت هبة كتير وضمتهن وصارت تبكي ام مراد: ييي لا تقلبوها حزن هلأ ضل اهم شي ما شافته هبة هبة: شو هوة جنى:اكيييد بدلة العرس نادت عالخدامة وجابت البدلة وطلبو من هبة تفوت تقيسها ام مراد: روحي عالمكتب مشان ما تتلبكي بنزلة الدرج هبة: بركي حدا شافني ام مراد : لا ما في حدا مراد وماهر مالح يجو هلأ هبة: جنى تعالي وقفيلي عالباب حبابة جنى: ولي عليكي شو جبانة مراد كان راجع وقاعد بالمكتب بيعرف ما حدا اله شغل فيه المكتب اله باب خارجي من الجنينة وباب داخلي من قلب البيت المكتب كبير ومعه حمام قاعد عالكنباية من غير اضوية فجأة نفتح الباب هوة بيقدر يشوف مين عند الباب لان ضو الحمام ضارب فاتت هبة ولبست البدلة بس ما كانت تعرف تسكر السحاب وقفت عند الباب ونادت لجنى بس ما كانت ترد اوووف وين راحت هي هلأ كيف بدي ساوي السحاب وصارت تدور بالبدلة فجأة نحطت ايد على خصرها صرخت هبة قام سكرلا تمها صارت تخبط بين ايديه مراد: لك اهدي اهدي انا مراد هبة انقطع نفسها ودارت لعنده ونسيت ان هية بالبدلة التقو عيونهن ببعض عيون بتحكي شوق وحب وغرام هبة: شو عم تعمل هون قالتلي خالة ان ما حدا بيجي عالمكتب مراد ما قدر يسيطر على حاله وقت شافها قرب وباسها من شفافها بوسة كبيرة وهية غرقت معه وبهاللحظة سكرلا السحاب بعدين نتر حاله منه وبعد متل كأنه حدا قرفان مراد: الشي اللي صار بدك تنسيه هبة: بس كانت حلوة كتير وبريئة قرب عليها وكان متحول مسكها من ايدها وقت قول نسيه بتنسيه وتاني شغلة وقت بدك تلبسي بالمكتب او بأي غرفة بترخي ستارة الشبابيك البيت مكشوف هبة: طالما عم تبعدني عنك وما بدك ياني شو الك علاقة اذا بسكر ولا بفتح انا حرة مراد: والله طول مالك على ذمة مراد الأكرمي بدك تنفذي اوامره شو بتلبسي شو بتاكلي شو بتشربي شد على ايدها اكتر حتى شو بتتنفسي هبة: مراد ليه عم تعمل معي هيك مراد: تصفية حسابات مو اكتر اندق الباب وكانت جنى يلا هبة شو صار معك اذا قياس وهيك بكرا وقت العرس لازم من الصبح تلبسيها مراد عم يضحك بينه وبين حاله هبة :يلا جاية طلعت هبة من غرفة المكتب وشافتها جنى متلبكة جنى: وااااااو اسم الله عليكي بتجنني لك انا طاير عقلي كيف مراد لك الله يهنيك يا اخي هبة خجلت : بس جنى من غير شي انا متلبكة يلا امشي مشيت هبة وجنى رفعتلا الشاحط وعم تزغرد وقف الكل وطار عقلهن فيها وزقفولها ام مراد: لك تؤبشي قلبي طالعة بتجنني ان شاء الله عجبتك البدلة حبيبتي عمة هبة: ما شاء الله شو ما عجبتها اي بتنهدى لملوك خالتها سعاد: ما شاء الله متل الاميرة جنى 🙄🙄🙄 هبة مين سكرلك السحاب فجأة هبة تذكرت السحاب وعرقت اكيد وقت باسني سكرلي ياه اااه ...اااا ميادة سكرتلي ياه ناديت عليكي ما رديتي كانت مارقة سالتني بدي مساعدة التلا سكريلي السحاب الكل صار يضحك وهية مو عرفانة شو القصة ام مراد: يلا حبيبتي روحي بدليها بلا ما تتوسخ او تتجعلك هبة: بس موو بالمكتب ام مراد: لكن وين المكتب اريحلك مشان الدرج هبة: وين ما كان الا المكتب ام مراد : طيب على راحتك روحي وين ما بدك ساعديها جنى راحت على غرفة جنى وتلبكت بطلعة الدرج وكانت لح توقع غيرت وعلقت البدلة ووقفت عالمراية صارت تتذكر مراد حطت ايدها ع شفافها ليه هيك عمل اذا ما بحبني معقول عم يلمحلي قبل العرس بس قلي انسى كل شي بكرا العرس ولح عيش معه تحت سقف واحد ويتسكر علينا باب دقت جنى الباب وخبرتها مشان تطلع لان اهلها بدهن يروحو راحت معهن واخدت البدلة وكل الاكسسوارات فجأة طلع مراد من غرفة المكتب جنى : يييي اخي بسم الله من وين طلعت مراد : شو شفتي جني كنت بالمكتب جنى: باااالمكتب ومن ايمتى ليكون ان.. ام مراد: بس جنى تركي اخوكي بحاله وغمزتها بالسيارة: ابو هبة: كيف كان الجهاز والله انا مقهور كتير ان طلعت بنتي بشوية اواعي اكيد اهل سلفتها ما خلو شي ما طالعوه خالتا سعاد: لا والله وبنتك ما نقصها شي والله لو تشوف شو مطالعتلا مو تاركتا ناقصة شي عمة هبة: اي والله يا اخي ما شاء الله على المخلوقة شو اكابر واهم شي حاببتها لهبة كتير عميمة بدك تحطيها بعيونك لحماتك ها هبة كانت سارحة وكل ما تتذكر البوسة تبتسم لحالا شو عمة وين سارحة عم احكي معك هبة: ااا ولا شي ان شاء الله عمتي لح حطها على راسي كمان نام الكل الا العرسان متوترين وما قدرو يغفو لوش الصبح بعد اقل من ساعتين فاقو فطرو وهبة ضبت غراض اللي بدها تاخدهن عالصالون وودعت ابوها وصارت تبكي ابو هبة: سامحيني يا بنتي الله يوفقك ويكتبلك الخير الف مبرووك هبة: الله يبارك فيك ويخليلي ياك باسته على جبينه وراحت وراحت معهن بيسان عملت شعرها والمكياج وطلعت بتفلج هبة: شو بيسان كيف طالعة بيسان: قمر مصور طالعة بتجنني كتير حلو الشعر والمكياج هبة: غصت وتذكرت ان زواج عالورق ودمعو عيونها بيسان: ييي لشو البكا هلأ نزعتي الكحلة رجعت قعدت والكوافيرة عدلتلها ياها لبست البدلة وكل الاكسسوارات وتعطرت بيسان كانت عم تصور كل شي من وقت هبة ودعت ابوها لوقت وصلو وخلصت مشان تعملها مونتاج وهلأ العروس صارت جاهزة يلا لح اخد لقطة معها مشان تضل ذكرى حطت الكاميرا ووقفت حدها واشهدي يا دنيا انا بيسان العمري صرلي سنتين مخطوبة وهبة رفيقتي بظرف شهر نخطبت وتزوجت وان شاء الله متل هالايام بكون حاملة بنوتتا اللي لح تسميها على اسمي طبعا ههههههه وهيك خلصنا تصوووير تفضلي يا عروس هاد كرت الذاكرة الك الكل جاهز وام مراد حكت معهن مشان يكونو عال8 بالصالة اجى مراد اخدهن بس طبعا ما شاف شي من هبة لان مغطية وجها وصلت عالصالة قبل بوقت واقترحت المصورة تاخد صور قبل ما يدخلو القاعة نادو لمراد ودخل عالغرفة وشاف هبة قلبه دق من جمالها وتحركت مشاعره بينه وبين حاله : لك طالعة بتجنن متل اللعبة كانو عيونه لح يفضحو شوقه وحبه بس سيطر عالوضع هبة قلبها عم يدق بسرعة ومشاعرها ملخبطة وصارت المصورة تاخدلهن صور وبحركات مغرية كتير بس اغلب الصور مراد عابس فيهن وصار وقت الزفة نزفو العرسان سوا ماهر ويارا ومراد وهبة حتى يارا كانت طالعة حلوة بس مو بجمال هبة نزلو من عالدرج وهنة عم يتصنعو الابتسامة وحطولهن غنية ليرقصو ماهر ويارا مبين عليهن ان فرحانين بعكس مراد وهبة شدتهن ام مراد غصب ورقصتهن سوا اجت لحظة تلبيس الدهب مراد اصفر واحمر وجه وتذكر ان مو جايب شي لك حتى المحبس حتى هبة غصت وقت شافت طقومة الدهب تبعوت يارا بس ام مراد تداركت الموقف وطالعتله الدهب همستله بادنه ..حسابك بعدين على هالنسوة مراد: الله عليك يا امي ما بتنسي شي فتح علبة صغيرة لقى فيها محابس ومحفور عليهن تاريخ بس نسي تاريخ شو لبسها الدهب واجى ابوها لهبة طالع قطعة دهب تقيلة واللي هية جنزير ستها ولبسها ياه وخلص العرس وراح كل مين على بيته العرسان كل واحد دخل على جناحه ماهر ويارا ما في داعي نحكي عنهن لان مبين وضعهن بغرفة مراد: هبة متوترة وخجلانة وعم تستنى مالها عرفانة تبدل تيابها ولا تضل بالبدلة مراد فات تحمم وطلع لبس بجامة وتسطح عالتخت لسى ما بدلتي شو عم تستني انتي بتعرفي ان زواجنا عالورق لا تستني برأيي هبة نغاظت منه وحبست دمعتها ما قدرت فك السحاب مراد : مممم اي والله نسيته .. تعالي انا بفكلك ياه ساعدها وراحت عالحمام بدلت تيابها وطالعت قميص نوم قطن قصير لون زهر تحممت ولبست كان متسطح ومغمض عيونه كانت عم تتأملته مراد: وسيم كتير مو نقزت هبة وراحت عالمراية وفردت شعرها اللي وصل لتحت خصرها مشطتهن وحطت بخة مكياج وعطر كانت عم تشوف كيف مراد عم يتأملها مراد بينه وبين حاله شعرها بجنن وهية بتتاكل اكل لك كيف بدي صبر حالي قامت هبة وقعدت عالكنبة مراد: شو ما بدك تنامي هبة: وين بدي نام مراد: امممم صح عادي التخت كبير نامي جنبي هبة: 🤨🤨 لا بدبر حالي هون مراد: الكنبة مو مريحة لح تتكسري وتفيقي معضلة بلا ما يفكرو انك قاتلة قتلة بليلة دخلتك هبة: بموت وما بنام جنبك شو شايفني ما عندي كرامة لك كلمة مبروك ما طلعت منك حتى دهب مو متذكر تجيب ولو محبس قدام العالم كتر خيرها حماتي ما تركتني ناقصة شي مراد نقهر من حاله وما حكى شي وقلب عالطرف التاني وغمض عيونه هبة حاولت تنام عالكنباية بس ما قدرت لان فعلا بتكسر الضهر سحبت الفرشة تبعيت الكنباية وحطتها بالارض فوق السجادة ونامت وهية وعم تبكي قام مراد شافها بهالوضعية زعل عليها حملها وجابها عالتخت وصار يتأملها ويتأمل بياضها وبشرتها الصافية متل بشرة الولاد مشتهي يبوسها ويلعب بشعرها وينيمها بحضنه بس في شي مانعه هبة حست عليه بس ما حكت شي نامو وفاق مراد قبل هبة وكان ضاممها ومحاوطها بايديه بعد عنها شوي شوي وقام عالحمام غسل وطلع راح عالصالون لقى امه فايقة مراد: صباح الخير ماما ام مراد: صباحية مباركة يا عريس شو فيقك بكير وينها عروستك مراد: بعدها نايمة ام مراد: وانت شو طالعك من غرفتك قوم ماما قوم بس تفيق عروستك بتطلعو سوا من الغرفة مراد: وبركي ما فاقت للضهر ام مراد: بتستناها حبيبي لتفيق ما وراك شي وصارت تدفشه لرجع عالغرفة لقى هبة بعدها نايمة صار يفتح باب الخزانة ويسكرو ويفتح الدروج بدو ياها تفيق حست هبة على صوت حركشة طلعت بالساعة لقتها 9 ما في داعي تعمل كل هالصوت لتفيقني نادي عليي بفيق حك راسه مراد وتحجج ان عم يدور على شغلة قامت هبة غسلت وبدلت تيابها لبست بنطلون اسود ساتان مع كنزة خمري دانتيل عرايسية وحطت بخة مكياج وقفت عالمراية وتطلعت بحالها كان طالع مراد من الحمام انتبه للبسها اللي مكسم كل جسمها واجت لتطلع شحطها مراد من ايدها وين طالعة هبة: شو بك شو في مراد: ما في طلعة بهدلون الاواعي هبة : بس ما فيهن شي وانت مالك علاقة فيني مراد: لا تجننيني ما في طلعة بتلبسي شي عريض ولا تطولي لسانك مشان ما قصه هبة: بفهم منك انك غيران 😉 مراد: حك راسه وحب ان يزعجها على شو بدي غار جمال في احلى منك جسم في احلى بكتيير بس وقت حدا يشوفك لح يقولو مرت مراد طالعة وكيف جوزها مخليها بقا بدك تلبسي متل ما بحب انا هبة: بس ما في حدا غريب بالبيت مراد: نسيتي اخواتي الشباب ونسوانهن بكونو جايين يباركولنا واخواتي ورجالهن رجعت هبة طالعت فستان توتي لتحت الركبة كمام دانتيل لبست تحته كعب ورفعت شعرها بطريقة انيقة ومراد لبس تياب سبور وطلعو سوا من الغرفة كانو وصلانين اخواته الشباب مع نسوانهن واخواته البنات باركولهن والبنات طار عقلهن بهبة صباحية مباركة يا عرسان جوري: اسم الله حولك بتاخدي العقل هبة: تسلمي هاد من زوقك جمانة:يخزي العين متل الاميرات لك نيال مراد فيكي هبة : نزلت راسها من الخجل تسلمي الله يسعدك سلمت على سلفاتها وقعدو يتحدثو ام مراد: يوه يوه وين قعدتي قومي قعدي جنب عريسك هبة: مو مشكلة مرتاحة وعم اتحدث مع الصبايا ام مراد : لا ما بصير بعدكن عرسان قامت هبة وقعدت جنب مراد لا اراديا حط ايده على كتفها محمد : اتقال مراد هههههه معاذ:ههههه مو مصدق ان صار عريس🤣🤣 ام مراد: خلص يا ولاد تركوهن وانتو كنتو متلوو طلع ماهر وعروسته من جناحهن وكان واضح على يارا البسط والهنا هنة التنين بصوت واحد صباح الخير للجميع ام مراد : يا هلا يسعد صباحكم صباحية مباركة يا عرسان وكمان باركولهن وقدمولهن الهدايا مراد همس لهبة : شفتي العرسان ايمتى بفيقو الساعة 11 هبة متجاكرة : نحنا مو عرسان منفيق بكير انغاظ مراد من جوابها وقال لحاله هالبنت لسانها طويل وجوابها على راس لسانها اجتمعو عالسفرة وجابو ابو مراد وقعد معهن هبة سلمت عليه وباست ايده وجبينه ام مراد: الله لا يحرمني هاللمة وان شاء الله عن قريب بشوف ابوكن واقف على رجليه راح الكل وهبة فاتت تتمدد ام مراد: حبيبي ماضل حدا قوم لحاق مرتك